Respýblikanyń 5 óńiri «qyzyl» aimaqtan «sary» aimaqqa ótti. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat.
«Naýqastanýdyń oń dinamikasy epidemiologiialyq ahýaldy baǵalaý matritsasynda da kórinis tapty. Sońǵy 2 aptada respýblikanyń 5 óńiri «qyzyl» aimaqtan «sary» aimaqqa ótti. Olar: Shyǵys Qazaqstan, Qyzylorda, Batys Qazaqstan, Jambyl jáne Soltústik Qazaqstan oblystary. Túrkistan oblysy «jasyl» aimaqta tur. Qalǵan 11 óńir «qyzyl» aimaqta», - dedi Aleksei Tsoi.
Onyń atap ótýinshe, epidemiologiialyq ahýaldyń oń dinamikasyna aýyrǵandar sanynan naýqastanyp jazylǵandar sanynyń artýy da dálel bola alady.
«Aitalyq, sońǵy aptada saýyqqan naýqastardyń sany apta ishinde aýyrǵandar sanynan 1,5 ese kóp boldy», - dedi ministr.
