Sońǵy bir aida eldegi koronavirýspen syrqattaný kórsetkishi 2,4 ese azaiǵan. Degenmen, eki oblys áli «qyzyl» aimaqta qalyp otyr, dep habarlaidy QazAqparat.
Úkimet otyrysynda QR Densaýlyq saqtaý ministri Aleksei Tsoi osyndai málimet berdi.
«Álemde KVI-diń 258 miliionan astam jaǵdaiy tirkeldi. Táýligine 400 myńnan astam jaǵdai tirkelip otyr. Bes millionnan astam adam osy virýstan kóz jumdy
Dúniejúzilik densaýlyq saqtaý uiymynyń Eýropa aimaǵynda aýrýdyń ósýi jalǵasýda. Qazaqstan Respýblikasy jáne qalǵan 10 óńir «jasyl» aimaqta ornalasqan. 4 óńir – sary aimaqta (Qaraǵandy, Qostanai, Aqmola jáne Nur-Sultan qalasy).
Qyzyl aimaqta 2 óńir (Pavlodar jáne Soltústik Qazaqstan oblystary) qalyp otyr», - dedi vedomstvo basshysy.
Ministrdiń málimeti boiynsha, elimizde koronavirýstyń reprodýktivtilik sany 0,93 deńgeiinde saqtalyp otyr.
«Jalpy, Qazaqstanda sońǵy aida syrqattaný 2,4 ese – aiyna 1866-dan 773 jaǵdaiǵa deiin, statsionarlardaǵy naýqastar 1,4 ese – aiyna 8750-den 6281 jaǵdaiǵa deiin, ambýlatoriialyq naýqastar 1,8 ese – aiyna 42 119-dan 23 188 jaǵdaiǵa deiin azaidy.
Infektsiialyq tósekterdiń júktelimi – 30%, reanimatsiialyq tósekterdiń júktelimi – 25%», - dedi Aleksei Tsoi.
