Keiingi 5 jylda TMD elderine 200 myń qazaqstandyq qonys aýdarǵan, dep habarlaidy QazAqparat.
«Qazaqstanda ishki kóshi-qon qarqyn aldy. Bul turǵyndardyń ómir súrý úshin neǵurlym qolaily jaǵdai tapqysy keletinimen bailanysty. Pandemiiaǵa bailanysty kóshi-qon protsesteriniń qarqyny báseńdegenimen, 2020 jyly bul kórsetkish 2015 jylǵy kórsetkishten eki ese joǵary. Ishki kóshi-qonnyń negizgi tartylys núktesi respýblikalyq mańyzy bar qalalar men ónerkásiptik batys óńirler bolyp otyr. Al syrtqy kóshi-qonnyń teris saldosy 22 myń adamdai bolady. Negizgi baǵyttardy atasaq, sońǵy bes jylda TMD elderine 200 myńǵa jýyq adam ketken», - dedi Eńbek resýrstaryn damytý ortalyǵynyń Strategiia jáne jobalyq basqarý departamentiniń direktory Aleksandra Molchanovskaia onlain-konferentsiia barysynda.
Onyń aitýynsha, jastar kóbinese shetelge oqýǵa baryp, sonda qalyp qoiady. Óitkeni onda oqýǵa túsý jeńilirek ári UBT tapsyrý talap etilmeidi.
«Sońǵy ýaqytta kadrlardyń toqtamaýy problema retinde kóterilip júr. Árine, bul kúrdeli másele. Biraq kóshi-qon degenińiz – tabiǵi protsess. Biz adamdarǵa elden ketýge tyiym sala almaimyz. Halyqtyń kóshi-qony árdaiym qaitymsyz protsess bolady. Azamattar elde qalǵysy kelse, keshendi sharalar qajet. Iaǵni barlyq baǵyttar boiynsha ómir súrý úshin qolaily jaǵdailar jasaý kerek», - dedi sarapshy.
