Atyraýlyq búrkitshi «Sonar-2020» respýblikalyq týrniriniń bas júldesin ielendi, dep habarlaidy "Ult aqparat".
Almaty oblysynyń Eńbekshiqazaq aýdanyndaǵy Túrgen taýynyń jotasynda «Sonar-2020» respýblikalyq týrniri ótti. Bul saiysta búrkit, qarshyǵa, suńqar syndy qustaryn ushyryp, qumai tazy júgirtken 100-den astam qusbegi baq synady. Olar 34 búrkit pen 14 tazyny saiysqa qosty.
Saiysqa Atyraý oblysynan qatysqan qusbegi Arman Ábdikárimulynyń «Naryn» atty búrkiti túlkige 16 sekýndta jetken. Sóitip, atyraýlyq búrkitshi bas júlde – 1 mln teńgege ie boldy.
«Biyl «Naryn» altynshy ańǵa tústi. Saiat saiysynan udaiy júlde alyp júrmiz. Bir ret álem chempionatynan, birneshe márte el chempionatynan báigege ie boldyq. Búrkit baptaýǵa ákem bala kezimde úiretti. Saiatshylyqty áli de jalǵastyra beremin», - deidi qusbegi Arman Ábdikárimuly.
