Soltústik Qazaqstan oblysyna ózge óńirlerden qonys aýdarǵan otbasylar jańa baspanalarǵa ie boldy, dep habarlaidy "Ult aqparat".
«Soltústik Qazaqstan oblysy — jumys kúshi kóp óńirlerden azamattardy kóshirip alý jobasyn júzege asyryp jatqan jalǵyz aimaq. Bunyń barlyǵy 3 jyldyq keshendi jospardyń arqasy. Qonys aýdarýshylarǵa jaldamaly baspana men jumys beriledi, jeke kásibin ashýǵa bolady», - dedi óńir ákimdiginen.
Oblys basshysy Qumar Aqsaqalov óńirge kóship kelip, baspanaǵa ie bolǵan otbasylarmen kezdesti.
«Jumys kúshin oblysqa tartý boiynsha jumys júrgizilýde. Bizge dárigerler, muǵalimder, mehanizatorlar, júrgizýshiler, traktorshylar kerek. Jyl basynan beri 1600 adam nemese 518 otbasy keldi», — dedi Qumar Aqsaqalov.
Oblysta biyl 420 úi salynýda. Kelesi jyly - 1 myń, 2021 jyly 1,5 myń úi boi kóteredi. Biyl jyl sońyna deiin óńirge 2 myń adam nemese 700 otbasy kóship keletini josparlanǵan.
