Soltústik Qazaqstanda qurylysshynyń ólimimen aiaqtalǵan qaiǵyly oqiǵa qaita tekseriledi. Bul týraly QR Bas memlekettik eńbek inspektory Tólegen Ospanqulov ortalyq kommýnikatsiialar qyzmetinde ótken brifingide aitty, dep habarlaidy QazAqparat.
«Birneshe kún buryn Petropavl qalasynda jumysshy qurylysta qazaq tapqan bolatyn. Oblystyq eńbek inspektsiiasy basqarmasynyń bul oqiǵany jumys berýshi men jumysshynyń arasynda eshqandai kelisimshart bolmaǵandyqtan, eńbek jaǵdaiyndaǵy qaiǵyly oqiǵa dep sanalmaitynyn aitqany týraly BAQ-ta málimet tarady. Sonda jumys berýshi jaýapkershilikten qutylyp ketedi degen sóz be?».
Ortalyq kommýnikatsiialar qyzmetinde QR Bas memlekettik eńbek inspektory Tólegen Ospanqulovqa osyndai saýal qoiyldy.
«Shynymen de osyndai fakti bar. Búgi ekinshi kún osy máselemen ainalysyp jatyrmyz. Siz aityp otyrǵan kásipornda shynymen de qaiǵyly oqiǵa bolǵan. Zardap shekken jumysshy atalǵan kásiporynda birinshi kún jumys istegen eken. Osyǵan bailanysty jumys berýshi eńbek normasyn óte órsekel buzǵan. Qazir tergeý júrip jatqandyqtan, bárin aita almaimyz. Biraq bizge berilgen aqparat boiynsha, qaitys bolǵan jumysshy eńbek kelisimshartynsyz jumysqa jiberilgen. Oǵan jeke qorǵanysh zattary berilmegen. Iaǵni, onymen eshqandai nusqaý jumystary júrgizilmegen. Nege ekeni belgisiz, biraq osy qaiǵyly oqiǵany teksergen ony komissiia óndirispen qatysy joq dep qorytyndy shyǵarǵan», - degen Tólegen Ospanqulov atalmysh oqiǵa boiynsha qaitadan tekserý júretinin atady.
«Biz bul máseleni baqylaýymyzǵa aldyq. Soltústik Qazaqstan oblysy boiynsha eńbek inspektsiiasyna isti qaitadan kótertý týraly tapsyrma berdik. Sondyqtan ádildik ornaidy dep oilaimyn. Bizdiń qolymyzdaǵy málimetterdiń bári rastalsa, atalmysh qaiǵyly oqiǵany óndirispen bailanysty degen qorytyndy shyǵarylady. Is baqylaýymyzda», - dedi Bas memlekettik eńbek inspektory.
