Endi Smart Astana mobildi qosymshasy arqaly qaiyrymdylyq jobalaryna qarjylai kómek kórsetýge bolady. Bul týraly Nur-Sultan qalasy ákimdiginiń resmi saity habarlady.
Jańa joba qaiyrymdylyq maqsatynda aýdarylǵan aqshalardyń qaýipsizdigin qamtamasyz etedi.
«Jaqynda qaiyrymdylyq qorlaryn qoldaý maqsatynda Smart Astana qosymshasy arqyly kraýdfanding alańyn ashtyq. Buryn «Qaiyrymdylyq qoryna kómekteskim keledi, alaida aqshany qalai aýdaramyn? Alaiaqtardyń arbaýyna túsip qalmaimyn ba?» degen suraqtar jii týyndaityn. Al, qazir bizdiń paraqshada shyn máninde adamdarǵa kómektesetin qorlardyń tizimi berilgen. Sol arqyly aqshańyzdy muqtaj jandarǵa senimdi túrde aýdara alasyz», – deidi Nur-Sultan qalasy ákiminiń orynbasary Malika Erlanqyzy.
Qazirgi tańda Smart Astana mobildi qosymshasynda 70-ten astam qyzmet túri bar. Atalǵan baǵdarlamanyń kómegimen dáriger qabyldaýyna jazylyp nemese ony úige shaqyrý múmkindigi qarastyrylǵan. Sondai-aq kez kelgen azamat salyqtyq mártebesin, jumysqa ýaqytsha jaramsyzdyǵy týraly anyqtamanyń shynaiylyǵyn teksere alady.
Sonymen qatar jańa oqý jylynan bastap Smart Astana boiamalary ázirlendi. Balalar túsqaǵazdy boiaý arqyly tsifrlyq saýattylyǵyn arttyra alady. Malika Bekturovanyń aitýy boiynsha, bul qyzmet sondai-aq balabaqsha, mektepterde, saýda ortalyqtary men meditsinalyq mekemelerde, t.b. jerlerde qoljetimdi bolmaq. Bastysy tegin júktep alýǵa bolady.
Aita keteiik, «Tsifrlyq Qazaqstan» memlekettik baǵdarlamasy aiasynda qala turǵyndarynyń ómirin jaily ári yńǵaily etý maqsatynda Smart city kontseptsiiasy qolǵa alynǵan bolatyn. Sonyń biri – elordada júzege asyp jatqan Smart Astana jobasy. Atalmysh joba aiasynda memlekettik qyzmetter men túrli servister ashyq jáne qoljetimdi bolyp, qoǵam ómiriniń barlyq salasy tsifrlyq formatqa kóship jatyr.
