Soltústik Qazaqstan oblysy Ǵabit Músirepov atyndaǵy aýdanda sailaý ýchaskeleriniń bolmaýyna bailanysty 54 eldi mekenniń turǵyndary búgin qatynap baryp daýys berdi, dep habarlaidy QazAqparat.
SQO-da búgin aýyl ákimderiniń sailaýyna 218 eldi mekenniń 60 myńnan astam turǵyny qatysyp jatyr. Ǵabit Músirepov atyndaǵy aýdanda sailaý ýchaskesi joq 54 aýyl turǵyndary sailaýǵa qatysýy úshin arnaiy kólik uiymdastyryldy.
Oblystaǵy eń shalǵai jatqan aýyldyq okrýg te osy aýdanda ornalasqan. Qyrymbet aýyldyq okrýgi men aýdan ortalyǵy – Novoishimkanyń ara qashyqtyǵy – 170 km.
Sondai-aq aýyldyq okrýgter arasynda sailaýshylary eń kóp aýyldyq okrýg te osy aýdanǵa tiesili. Bolashaǵy zor Nejinka aýyldyq okrýginde búgin 1941 adam daýys berip jatyr.
Jalpy aýdanda búgin 3 aýyldyq okrýgte turǵyndar aýyl ákimderin sailap jatyr. Sailaýǵa 9 kandidat túsken. 3 úmitker partiialardan jáne 6 kandidat ózin ózi usynǵandar.
«Ǵ.Músirepov atyndaǵy aýdannyń 3 aýyldyq okrýgynda 2462 sailaýshy bar. Sailaýdyń ádil ótýi baiuqaýshylardyń nazarynda. Eshqandai zańbuzýshylyqtar tirkelgen joq. Barlyq ýchaskelerde sanitarlyq normalar saqtalǵan», - deidi Ǵ.Músirepov atyndaǵy aýdandyq sailaý komissiiasynyń tóraǵasy Nursadyq Baraqaev.
