Soltústik Qazaqstant oblysynda jergilikti kásipker kópsalaly oblystyq aýrýhanaǵa 2,5 mln teńge qarjylai kómek kórsetti, dep habarlaidy «Nur Otan» partiiasy SQOF baspasóz qyzmeti.
Altynbek Saparov - metsenat, «Noǵaibai» JShS bas direktory, «Nur Otan» partiiasynan oblystyq máslihattyń depýtaty.
Biznesmennen túsken 2,5 mln teńge qarajat koronavirýsty infektsiiamen kúreste júrgen mekeme qyzmetkerlerin yntalandyryp, syiaqy berýge jumsalmaq.
Maýsym aiynda oblystyq kópsalaly aýrýhananyń terapevtik korpýsy koronavirýsty juqtyrǵan jáne pnevmoniiamen aýyrǵan naýqastardy anyqtaý jáne emdeý úshin provizorlyq statsionarǵa qaita jabdyqtalǵan bolatyn.
«Osyndai kúrdeli kezde biz qaýipti infektsiiamen kúreste bel sheshpei júrgen jerlesterimizdi qoldaýymyz qajet. Meditsinalyq kómek kórsetetin bizdiń dárigerlerimizge alǵys retinde, olardy yntalandyrý maqsatynda qarjy bóldik. Otbasynan alshaq, táýlik boiǵy eńbegi úshin olarǵa rahmet aiamyn. Qazirgi jaǵdai qiyn, biraq eshteńe máńgi emes, bul aýyrtpalyqtan da aman-esen ótemiz dep senemin», - dedi «Nur Otan» partiiasy depýtattyq fraktsiiasynyń múshesi Altynbek Saparov.
Soltústik Qazaqstan oblysynda búgingi kúni koronavirýstyq infektsiiany juqtyrǵandardyń sany 1400-den asty. Óńirdiń infektsiialyq jáne provizorlyq statsionarlarynda syrqattarǵa arnalǵan jatyn oryndar jetkilikti.
