Soltústik Qazaqstan oblysyndaǵy Aqjar, Jambyl, Ǵ. Músirepov atyndaǵy jáne M.Jumabaev aýdandarynda qutyrma aýrýy tirkeldi, dep habarlaidy "Ult aqparat".
SQO veterinariia basqarmasynyń málimetinshe, qutyrma M.Jumabaev aýdanyndaǵy «Kýlomzino» jáne Aqjar aýdanyndaǵy «Aqerke» sharýa qojalyqtarynda, Ǵ.Músirepov atyndaǵy Qazaqstannyń 15 jyldyǵy aýylynda, Jambyl aýdanyndaǵy Qaraqamys eldi mekeninde anyqtalǵan. Osyǵan orai qazir shekteý sharalary qolǵa alynbaq.
Mamandardyń aitýynsha, aýyl sharýashylyǵy jáne úi janýarlaryna qutyrma aýrýy negizinen jabaiy jyrtqysh ańdardan juǵady. Sońǵy kezde eldi mekenderge qorek izdep túlki, qarsaq, janat tárizdes itter jii kiretin bolǵan. Jyrtqyshtardan qaýipti virýs qapqan kezde silekei arqyly juǵady. Qutyrma aýrýynyń taralýyna osy sebep bolýy múmkin.
Buǵan deiin Timiriazev aýdanyndaǵy «Atameken Agro Timiriazevo» JShS bir siyrdyń qutyrmany juqtyryp, sharýashylyqqa shekteý sharalarynyń engizilgenin aitqan edik.
Aqpan aiynda Mamliýt aýdanyndaǵy Meńgeser aýylynda anyqtaldy.
Qazir qutyrma aýrýynyń oshaqtarynda tiisti is-sharalar qolǵa alyndy. Veterinarlardyń aitýynsha, eldimekenderdegi barlyq úi janýarlaryna virýstyń aldyn alý maqsatynda vaktsina egiledi.
