Soltústik Qazaqstan oblysynda qus tumaýynyń taralýyna bailanysty 7 aýdannyń 10 eldimekeni karantinge jabyldy, dep habarlaidy "Ult aqparat".
SQO aýmaǵynda qus tumaýynyń anyqtalýyna bailanysty tiisti vedomstvo basshylary men ókilderiniń qatysýymen brifing ótti.
Zerthana qorytyndysyna sáikes aýrýdyń taralýyna jol bermeý maqsatynda oblystaǵy Timiriazev, Taiynsha, Jambyl, Qyzyljar, Shal aqyn, Ǵ.Músirepov, M.Jumabaev - 7 aýdannyń 10 eldimekeni karantinge jabylady.
«Karantin talabyna sai bul eldimekenderge kirip-shyǵý shekteledi. Kirip-shyqqan kólikterdi zalalsyzdandyrý úshin kireberisterde dezinfektsiialyq tosqaýyldar qoiylady. Halyqtyń tirshiligin qamtamasyz etetin uiymdardyń, quqyq qorǵaý, meditsinalyq jáne veterinarlyq qyzmetterdiń kólikteri veterinarlyq qaýipsizdikti saqtai otyra kedergisiz júredi. Karantindik aimaqtardan tiri qustardy, qus ónimderin, qaýyrsyny men mamyǵyn, jemazyqty jáne qus sharýashylyǵynda qoldanylǵan qondyrǵylardy shyǵarýǵa tyiym salynady», - deidi SQO veterinariia basqarmasynyń basshysy Berik Áljanov.
Respýblikalyq biýdjet esebinen qusy qyrylǵan turǵyndarǵa ótemaqy beriledi. Ol úshin arnaiy komissiia qurylǵan. Qustyń túrine, jynystyq-jastyq tobyna qarai naryqtaǵy ortasha baǵasy boiynsha ótemaqy tólenbek.
«Qus tumaýynan qutylý úshin aýrý qustardy joiý kerek. Qustar alynyp, órteledi. Bul jumystarmen respýblikalyq epizootiiaǵa qarsy otriadtar ainalysady. Olar qustardy alý barysynda qujat toltyryp, onda qustyń túrin, jynystyq-jastyq tobyn kórsetedi. Keiin bul qujat ótemaqy tóleýge negiz bolady», - deidi Berik Áljanov.
Al aýrý juqtyrmaǵan qustarǵa ekpe jasalyp, olar veterinarlyq dárigerlerdiń baqylaýynda bolady.
Karantin aýrýdyń sońǵy jaǵdaiy tirkelgen kúnnen keiin 3 apta ótisimen alynady.
