Soltústik Qazaqstan oblysynda aýmaqtyq sailaý komissiiasy aýyl ákimderiniń sailaýyn qorytyndylady, dep habarlaidy "Ult aqparat".
SQO sailaý komissiiasynyń tóraǵasy Tilegen Qaskinniń aitýynsha, zańǵa sáikes sailaýdy jaramsyz dep tanýǵa nemese qaita sailaý ótkizýge negiz joq.
Sailaý 71 sailaý okrýginde, onyń ishinde Mamliýtka qalasynda jáne 70 aýyldyq okrýgte ótti.
Sailaýshylar 214 kandidattyń ishinen tańdaý jasady.
Onyń ishinde 68 kandidatty saiasi partiialar usyndy, qalǵan 146-sy - ózin-ózi usynýshylar.
«Sailanǵan 71 ákimniń 57-i nemese 80,2% - memlekettik qyzmetshi. Onyń shinde naqty aýyldyq okrýgte 42 ákim qaita sailandy. 4 - kommertsiialyq qurylym ókilderi, 6 - biýdjettik uiym qyzmetkerleri, ekeýi ýaqytsha jumys istemeidi. 19 ákim nemese 26,8 % – áielder. Bir úmitker - «Bolashaq» memlekettik baǵdarlamasynyń túlegi. Mamandyǵy boiynsha 13-i - ekonomist, 14-i - zańger, 21-i - oqytýshy, 7-ýi - injenerler. Sailanǵan ákimderdiń ortasha jasy – 45», - deidi Tilegen Qaskin.
Eń kóp daýys jinaǵan - Timiriazev aýdany Internatsionalnyi aýyldyq okrýginiń kandidaty Qanat Imanjanov. Oǵan sailaýshylardyń 98 % daýys bergen.
«Daýysty qaita sanaý júrgizilgen joq. Sailaý komissiialarynyń is-áreketine nemese áreketsizdigine joǵary turǵan komissiialarǵa, sottarǵa shaǵym túsken joq», - deidi oblystyq sailaý komissiiasynyń tóraǵasy.
