SQO-da 29 myń 232 myń adamnyń ekinshi deńgeili bankterdegi jáne mikroqarjy uiymdaryndaǵy qaryzy keshirildi, dep habarlaidy "Ult aqparat".
«QR Ulttyq bank» RMM SQOF málimetinshe, soltústikqazaqstandyqtardyń kepilsiz tutynýshylyq nesie boiynsha bereshekteriniń 652,7 mln teńgesi óteldi. Bul - respýblika boiynsha kórsetkishtiń 1,9%-i.
«Barlyq turǵyndardyń ekinshi deńgeili bankterdegi jáne mikroqarjy uiymdaryndaǵy 1 maýsymdaǵy jaǵdai boiynsha 300 myń teńgege deiingi aiyppuldary men ósimpuldary keshirildi. Birinshi kezekte protsenttik mólsherlemesi joǵary nesieler boiynsha qaryzdar óteldi», - deidi «QR Ulttyq bank» RMM SQOF direktory Dias Mels.
Tutynýshylyq nesieler boiynsha óńirde jumystar áli aiaqtalǵan joq. 6 sanatqa kiretinderdiń: kóp balaly otbasylardyń, asyraýshysynan aiyrylý boiynsha járdemaqy alatyndardyń, múgedek balalary bar otbasylardyń, ataýly áleýmettik kómek alýshylardyń, jetim balalardyń qaryz júktemesi azaitylady.
SQO boiynsha 500 myńnan astam adam anyqtalyp tizimge endi. Olardyń shamamen 100 mlrd astam teńge boryshy esepten shyǵarylady.
«Turǵyndardyń suraǵy bar, qaryzymyz keshirilgen joq dep aryzdanyp jatyr. Tizimdi Eńbek jáne halyqty áleýmettik qorǵaý ministrligi, Bilim jáne Ádilet ministrlikteri jasaidy. Tizimge engen-enbegenińizdi eGov.kz saitynan tekseresiz. Kirmei qalǵan jaǵdaida halyqqa qyzmet kórsetý ortalyǵyna tez arada qujattardy tapsyrý qajet. Ázirshe ýaqyt bar», - deidi Dias Mels.
