Soltústik Qazaqstan oblysy biyl ózge óńirlerden kelgen 769 otbasyny qarsy alýdy josparlap otyr, olardyń jartysynan astamy qonystanyp úlgerdi, dep habarlaidy "Ult aqparat".
SQO ákimi Qumar Aqsaqalovtyń aitýynsha, qazirdiń ózinde óńirge 1459, iaǵni 471 adam qonys aýdardy. Olarǵa memleketpen qarastyrylǵan tiisti kómek kórsetilip jatyr.
«Biz qonys aýdarýshylarǵa arnap baspana turǵyzyp jatyrmyz. Soltústik Qazaqstan oblysy kóship kelýshilerge baspana salyp berýden jáne olarǵa arnap úi satyp alýdan pilottyq jobany júzege asyryp jatyr. Biyl osy maqsatta 400 turǵyn úi salynyp, paidalanýǵa berilmekshi», - dedi Qumar Aqsaqalov.
Aldaǵy úsh jylda elimizdiń jumys kúshi artyq aimaqtarynan qonys aýdarýshylarǵa oblysta 2 myńnan astam baspana salynady dep josparlanǵan.
Mamandardyń esebinshe, Soltústik Qazaqstan oblysynda myńnan astam bos jumys orny bar. Ózge óńirden teriskeige qonys aýdarǵandardy 224 eldi meken qabyldai alady.
