Foto: Polisia.kz
SQO aýdanynda politseiler qaraýsyz qalǵan úilerdi kúzetip júr, – dep habarlaidy «Ult aqparat» Polisia.kz-ke silteme jasap.
Evakýatsiialaý kezinde 30 adam onyń ishinde 7 balany qaýipsiz jerge shyǵarýǵa týra kelgen Ǵ.Músirepov atyndaǵy aýdan aýyldarynyń sý tasqynynyń beti qaitty. Novoishimskoe aýdan ortalyǵynda eń kóp qaýipke Naberejnaia jáne Internatsionalnaia kósheleri ushyrady. Sýdan zardap shekken úilerge oralýǵa áli erte bolǵandyqtan, adamdar kúndiz kelip, turǵyn úilerin qalpyna keltire bastady. Al túngi ýaqytta týystaryna baryp qonýǵa májbir. Politseiler bolsa burynǵysynsha aýyl turǵyndarynyń múlkin kúzete otyryp, táýlik boiy kezekshilik etedi.
Aýdandyq politsiia bólimi bastyǵynyń birinshi orynbasary Narlan Jumabaev eldi mekenderdi kúzetetin jasaqtardy, joldardaǵy beketterdi únemi tekserip otyrady. Qazirgi ýaqytta aýdan ortalyǵy men Chervonnyi aýyly arasyndaǵy jol ústinen sýdyń ótýi saqtalýda. Politsiia qajet bolǵan jaǵdaida kómek kórsetý úshin jaqyn mańda kezekshilik atqarady.
Oblystyq politsiia departamenti bastyǵy Aidyn Qabduldinovtyń ókimi boiynsha Novoishim jáne Privolnyi aýyldarynyń arasyndaǵy kópirge jeke post qoiyldy.
– Munda adamdar jaiylǵan sýǵa qaraýǵa jii toqtaityn kórinedi. Alaida tasyǵan sý jardy shaiyp jatqandyqtan bul óte qaýipti. Jalpy aýdanda sý tasqyny jaǵdaiy turaqty, maroderlik faktileriniń aldyn alý jáne qoǵamdyq qaýipsizdikti qadaǵalaý boiynsha táýlik boiy jumys jalǵasýda, – dep habarlaidy aýdandyq politsiia bóliminiń bastyǵy Marat Áljanov.
