Sitsiliiada qýatty tropikalyq daýyl men tolassyz jaýǵan jaýyn-shashyn saldarynan kem degende eki adam qaza tapty. Jeldiń jyldamdyǵy saǵatyna 120 shaqyrymǵa jetti, dep habarlaidy QazAqparat BBC-ge silteme jasap.
Kataniia qalasy bárinen qatty zardap shekti. Týrister arasynda tanymal tarihi alańdy, balyq bazaryn jáne jergilikti aýrýhanany sý basty. Qalada jaryq sónip qaldy.
Dúisenbi kúni Kataniiaǵa jaqyn ornalasqan Skordiia qalasynda tsiklonnan er adam mert boldy. Onyń kóligi sý astyna qalyp qoiǵan. Kólikte onymen birge bolǵan áieli iz-túzsiz joǵaldy.
Seisenbi kúni Kataniiaǵa jaqyn mańdaǵy Gravina qalasynda taǵy bir er adam qaza tapty. Ol sý basyp qalǵan kóliginen shyǵyp úlgere almaǵan.
Daýyl apta sońynda báseńdeýi múmkin, sondyqtan Kataniia meri qala turǵyndaryna úiden shyqpaýǵa keńes berdi.
