© AP Photo / Ghaith Alsayed
Siriiada jer silkinisinen qaza tapqandar sany 237 adamǵa jetti, dep habarlaidy QazAqparat TASS agenttigine silteme jasap.
Málimetke sáikes, kem degende 639 adam zardap shekken. Qaza tapqandar men zardap shekkenderdiń kópshiligi Latakiia, Aleppo, Hama jáne Tartýs provintsiialarynda tirkelgeni atap ótildi. Buǵan deiin siriialyq BAQ 111 adam qaza tapqanyn habarlaǵan bolatyn.
Siriianyń Damask baqylaýyna alynbaǵan aýdandarynda qurbandar, zardap shekkender men qiraǵan ǵimarattar týraly aqparat joq.
Óz kezeginde, SANA agenttiginiń habarlaýynsha, respýblikanyń qorǵanys ministrligi «jer silkinisi saldarynan zardap shekken halyqqa jedel kómek kórsetý, úiindiler astynda qalǵan adamdardy izdeý jáne alyp shyǵý úshin eldiń barlyq provintsiialaryndaǵy quramalaryn jáne [vedomstvolyq baǵynysty] qurylymdaryn jumyldyrýda».
Arab Respýblikasy Densaýlyq saqtaý ministriniń kómekshisi Ahmed Dýmeiriia atap ótkendei, «bul áli naqty san emes jáne qutqarý jumystary jalǵasqan saiyn qurbandar sany artýy yqtimal».
Óz kezeginde Siriianyń Kólik ministrligi eldiń soltústik aimaqtarynda temirjol bailanysynyń toqtatylǵanyn habarlady.
«Joldar men kópir qurylymdarynyń yqtimal zaqymdanýyn eskere otyryp, saqtyq sharasy retinde poiyz qozǵalysy toqtatyldy», - delingen vedomstvo málimdemesinde.
Al Hadath málimetinshe, ondaǵan adam Aleppo, Idlib, Latakiia jáne Hama provintsiialarynda qiraǵan ǵimarattardyń astynda qalyp qoiǵan. Qutqarý jumystary qatty jańbyrǵa qaramastan jalǵasyp jatyr.
Eske salaiyq, Túrkiianyń ońtústik-shyǵysynda 7,4 magnitýdasyna deiin úsh ret jer silkindi. 7,4 baldyq eń qýatty jerasty dúmpýi Kahramanmarash provintsiiasyndaǵy Pazardjik aýdanynda jergilikti ýaqyt boiynsha 04:17-de, 7 km tereńdikte boldy. Sodan keiin ártúrli aimaqtarda - Adana, Ankara, Antalia, Gaziantep, Kaiseri, Mersin, Trabzon, Ýrfada jer silkingen.
Qaza tapqandar men zardap shekkender týraly aqparat tolyqtyrylyp jatyr. Sońǵy málimetke sáikes, qaza bolǵandar sany 76-ǵa jetti, 440 adam jaraqat aldy. Qiraǵan ǵimarattar sany - 140.
