Foto: REUTERS/Mahmoud Hassano
Qazirgi derek boiynsha, epitsentri Túrkiianyń Kahramanmarash qalasynan týyndaǵan joiqyn zilzaladan Siriiada 1602 adam qaza taýyp, 3649 adam jaralandy, dep habarlaidy QazAqparat Anadoly agenttigine silteme jasap.
Izdeý-qutqarý jumystary Idlib, Aleppo, Hama, Latakia jáne Tartýs aýdandarynda jalǵasyp jatyr.
Jergilikti SANA aqparat agenttiginiń (Bashar Asad rejiminiń baqylaýynda) habarlaýynsha, Aleppo, Latakia, Hama jáne Tartýsta 812 adam qaza taýyp, 1449 adam jaralanǵan. Qiraǵan úiler óte kóp.
Siriianyń soltústigindegi oppozitsiia baqylaýyndaǵy aýdandarda da kóptegen ǵimarattar qirap, búlingen.
Siriianyń adam quqyqtaryn qorǵaý uiymy (SNHR) jáne Siriianyń azamattyq qorǵanys basqarmasy Idlib pen «Evfrat qalqany» jáne «Záitún butaǵy» operatsiialary aimaǵynda kem degende 790 adam qaza taýyp, 2,2 myńnan astam adam jaralanǵanyn aitýda.
Eske sala ketsek, 6 aqpanda Túrkiianyń ońtústik-shyǵysynda magnitýdasy jeti baldan asatyn eki jer silkinisi boldy (jergilikti ýaqyt boiynsha 04.17-de – 7,7 ball jáne 13.24-te-7,6 ball). Saldarynan qaza tapqandar sany 3,3 myńnan asty.
Prezident Rejep Taiyp Erdoǵan Túrkiiada apat qurbandary úshin jeti kúndik Jalpyulttyq aza tutý týraly jariialady. Eldiń memlekettik týlary búkil el boiynsha tómen túsirildi.
Kórshiles elderde, sonyń ishinde Siriiada, Livanda, Soltústik Kipr, grek Kiprinde jáne Irakta da joiqyn jer silkinisi bolǵan.
