16 sáýirde aýa raiynyń buzylýyna bailanysty «Qazgidromet» RMK birneshe óńirde eskertý jariialady, dep habarlaidy "Ult aqparat".
Atap aitqanda, Atyraý oblysynda túnde jáne tańerteń kei jerlerde tuman, kúndiz kei jerlerde naizaǵai kútiledi.
Túrkistan oblysynyń kei jerlerinde naizaǵai bolady. Ońtústik-batystan jel soǵyp, onyń kúshi 15-20 m/s jetýi yqtimal.
Soltústik Qazaqstan oblysynyń kei jerlerinde tuman boljanady. Ońtústik-batystan soǵatyn jel soltústik-shyǵysqa aýysyp, kúndiz ekpini 15-20 m/s artady.
Jambyl oblysynda tuman, naizaǵai kútiledi. Soltústik-shyǵystan soǵatyn jel ońtústik-batysqa aýysady, kúshi kei jerlerde 15-20 m/s jetedi.
Almaty oblysynda jylymyqtyn áserinen jáne qar jamylǵysynyń turaqsyz bolýyna bailanysty Úlken jáne Kishi Almaty sý alaptarynda qar kóshkini qaýpi saqtalady.
Sondai-aq Aqmola, Qaraǵandy, Qostanai, Pavlodar jáne Soltústik Qazaqstan oblystarynda jyly aýa raiynyń saqtalýy ózenderde muz qubylystarynyń odan ári álsireýine, muz keptelisteriniń qalyptasýyna alyp keledi. Sonymen qatar erigen qar sýy aǵynynyń paida bolýynan ózen-kólderde sý deńgeii kóterilip, arnalarynan shyǵýy múmkin.
