Sinoptikter 18 tamyzda aýa raiy qandai bolatynyn boljady, dep habarlaidy "Ult aqparat".
Qazaqstannyń basym bóliginde jaýyn-shashyn jaýmaidy. Tek respýblikanyń ońtústik-shyǵys jáne soltústik-shyǵys taýly aýdandarynda naizaǵai oinap, jańbyr jaýady. Respýblika boiynsha kei jerlerde jel kúsheiedi. Shyǵysta, ońtústikte burshaq jaýady, soltústik-shyǵysta jáne ortalyqta túnde jáne tańda tuman túsedi. Ońtústikte shańdy daýyl turýy múmkin.
Soltústik Qazaqstan oblysynda kúndiz soltústik-shyǵysynda naizaǵai oinaidy, ońtústik-shyǵysynda jeldiń jyldamdyǵy 15-20 m/s bolady.
Kúndiz Pavlodar oblysynyń ońtústiginde naizaǵai oinaidy, jeldiń ekpini 18 m/s-ge deiin kúsheiedi. Túnde batysta, ońtústik-batysta tuman bolady.
Shyǵys Qazaqstan oblysynyń shyǵysynda naizaǵai oinaidy, burshaq jaýady. Túnde taýly aýdandarynda tuman túsedi.
Qaraǵandy oblysynyń soltústik, shyǵys bóliginde kúndiz naizaǵai oinaidy, túnde jáne tańerteń tuman túsedi.
Jambyl oblysynda shańdy daýyl bolady. Oblystyń soltústik-shyǵys, ońtústik-batys bóliginde jel kúsheiip, ekpini 15-20 m/s bolady. Kúndiz taýly aimaqtarda naizaǵai bolyp, burshaq jaýady.
Qyzylorda oblysynyń ońtústiginde, ońtústik-shyǵysynda kúndiz jel 15-20 m/s bolady.
Túrkistan oblysynyń taýly aýdandarynda jeldiń ekpini 15-20 m/s-ge deiin kúsheiedi.
Almaty oblysynyń taýly aýdandarynda, Aqmola oblysynyń soltústik-shyǵysynda naizaǵai oinaidy.
Atyraý, Batys Qazaqstan oblystarynda kúndiz óte qatty ystyq bolady. Aqtóbe oblysynda, Mańǵystaý, Qostanai oblysynyń ońtústiginde qatty ystyq bolady.
Qyzylorda, Túrkistan, Mańǵystaý, Atyraý, Jambyl, Aqtóbe, Batys Qazaqstan oblysynyń basym bóliginde, Qaraǵandy oblysynyń batysynda, Almaty oblysynyń shyǵys jáne batysynda, Qostanai, Shyǵys Qazaqstan, Aqmola oblysynda tótenshe órt qaýpi saqtalady.
