«Qazgidromet» RMK 5 tamyzda aýa raiynyń buzylýyna bailanysty birneshe óńirde eskertý jariialady, dep habarlaidy "Ult aqparat".
Atap aitqanda, kúndiz Almaty oblysynda 36 gradýs qatty ystyq saqtalady. Kei jerlerinde tótenshe órt qaýpi kútiledi.
Qyzylorda oblysynda jel soltústikten, soltústik-shyǵystan soǵady, kúndiz kúshi kei jerlerde 15-20 m/s quraidy. Sondai-aq shańdy daýyl saqtalady. Kúndiz 41 gradýs qatty ystyq bolady. Tótenshe órt qaýpi bar.
Qostanai oblysynyń kei jerlerinde naizaǵai kútiledi. Soltústik-shyǵystan soǵatyn jel ońtústik-batysqa aýysyp, kúshi kúndiz 15-20 m/s quraidy. Kúndiz 38 gradýsqa deiin qatty ystyq kútiledi. Oblystyń ońtústiginde tótenshe órt qaýpi saqtalady.
Kúndiz Atyraý oblysynyń kei jerlerinde naizaǵai, shańdy daýyl boljanady. Ońtústik-batystan soltústik-batysqa aýysyp jel soǵady, kúshi kúndiz 15-20 m/s quraidy. Kúndiz oblystyń basym bóliginde 40-41 gradýs óte qatty ystyq kútiledi. Tótenshe órt qaýpi saqtalady
Túrkistan oblysynyń kei jerlerinde tańerteń jáne kúndiz shańdy daýyl turyp, soltústik-shyǵystan soǵatyn jeldiń kúshi 15-20 m/s jetedi. Kúndiz 41 gradýs qatty ystyq kútiledi. Tótenshe órt qaýpi saqtalady.
Kúndiz Qaraǵandy oblysynyń kei jerlerinde 36 gradýs qatty ystyq saqtalady. Kei jerlerinde óte joǵary órt qaýpi bar.
Kúndiz Aqtóbe oblysynyń kei jerlerinde naizaǵai boljanady.
Mańǵystaý oblysynyń jaǵalaýynda tumandy bolady.
Pavlodar oblysynyń kei jerlerinde naizaǵai kútiledi, soltústik-batystan jel soǵady, naizaǵai kezinde ekpini – 18 m/s.
Shyǵys Qazaqstan oblysynyń kei jerlerinde naizaǵai, burshaq kútiledi. Jel soltústik-batystan soǵady, kúshi kei jerlerde – 15-20 m/s. Úrjar aýdanynda órttiń tótenshe joǵary dárejesi boljanady.
Kúndiz Aqmola oblysynyń kei jerlerinde naizaǵai kútiledi.
Kúndiz Batys Qazaqstan oblysynyń soltústiginde naizaǵai oinap, ońtústik-batystan, ońtústikten jel soǵady, kúndiz naizaǵai kezinde ekpini 15-20 m/s quraidy. Kúndiz oblystyń shyǵysynda 37 gradýs óte qatty ystyq saqtalady. Kei jerlerde tótenshe órt qaýpi bolady.
Soltústik Qazaqstan oblysynyń kei jerlerinde kúndiz naizaǵai kútiledi. Túnde jáne tańerteń tuman boljanady.
Kúndiz 5-7 tamyzda Jambyl oblysynyń taýly jáne taý bókterli aýmaqtarynda naizaǵai, burshaq kútiledi. Kei jerlerde shańdy daýyl turady. Soltústik-shyǵystan soqqan jeldiń kúshi 15-20 m/s quraidy. Kúndiz oblystyń basym bóliginde 40 gradýsqa deiin qatty ystyq, tótenshe órt qaýpi boljanady.
