Foto:elements.envato.com
Qazaqstannyń Syrtqy ister ministrligi Aýǵanstannan kelip, Qazaqstanda bilim alyp jatqan stýdentter týraly aitty, - dep habarlaidy Tengrinews.kz saity.
Vedomstvonyń baspasóz hatshysy Aibek Smadiiarov aýǵan stýdentteri týraly qazaqstandyqtardyń synyna qatysty pikir surady.
"Ne desek te, bul kópten beri júrgizilip kele jatqan sharalar. Aýǵanstandaǵy jaǵdaiǵa bailanysty olar biraz toqtap qaldy, biraq qazir oqý baǵdarlamasyn qaita bastaý týraly aityp jatyrmyz. Áleýmettik jelide nege aýǵan stýdentteri bizde oqidy, nege stýdentterimizdi tegin oqytpaimyz degen shý boldy", - dedi Smadiiarov.
Ol sheteldik stýdentter Qazaqstanda Eýropalyq Odaq esebinen oqitynyn túsindirdi.
"Olar tóleidi, al bul qarajat bizdiń ýniversitetterde qalady. Kópshilik osyny túsinbei jatyp, shý shyǵara bastady", - dep túsindirdi ol.
