What‘sApp messendjerinde Qazaqstanǵa Aýǵanstannyń 70 000 azamaty keledi degen qaýeset tarady, dep habarlaidy "Ult aqparat" stopfake.kz saityna silteme jasap.
Alǵashqy 500 adam ushaqpen Shymkent áýejaiyna qonǵan, aldaǵy kúnderi taǵy 1500 adam keledi eken.
Aýǵanstannan bosqyndardyń keletini jáne olardyń Shymkent pen Túrkistan oblysyna ornalastyrylatyny týraly aqparatty QR Syrtqy ister ministrligi joqqa shyǵardy.
– Búgingi kúni taraǵan aqparat shyndyqqa janaspaidy, – dep habarlady vedomstvonyń baspasóz qyzmetinen.
«Barshańyzdy tek resmi aqparatqa ǵana senýge shaqyramyz! Jańalyqtyń shynaiylyǵyn bizdiń portaldyń kómegimen tekserýge bolady. Ózińizdi qyzyqtyrǵan aqparatty t.me/stopfake_kz Telegram-arnasyna nemese +7 707 739 5599 WhatsApp nómirine jiberińiz»,-delingen habarlamada.
