Shymkenttik metsenat Qairat Moldaseiitov koronavirýs indetine qarsy kúreske 20 million teńge aýdardy. Jinalǵan qarjy áleýmettik salaǵa jaýapty mamandarmen aqyldasa otyryp, kómekke muqtaj azamattarǵa úlestirilmek, dep habarlaidy "Ult aqparat".
«Otau Group» holdinginiń prezidenti ári «Atameken» kásipkerler palatasy Shymkent qalalyq keńesiniń tóraǵasy ótken jyly da Arysta jarylystan zardap shekkenderge 10 million teńge qarajat aýdaryp, eldiń rizashylyǵyn alǵan bolatyn. Qazir de eldegi biznesmenderge úlgi kórsetti.
«Koronavirýsqa bailanysty qazir kásipkerler de zardap shegip jatyr. Degenmen múmkindigi shekteýli, áleýmettik jaǵdaiy az qamtylǵan, tolyq emes otbasylar kórip jatqan qiyndyqtardy bizben salystyrýǵa kelmeidi. Sol sebepti olarǵa qol ushyn sozǵan abzal. Osyǵan bailanysty «Atameken» kásipkerler palatasy janynan qor ashtyq. Atalǵan qorǵa biz kompaniia atynan 20 million teńge aýdardyq. Osy tusta men basqa da kásipkerlerdi turmysy tómen otbasylarǵa kómektesýge shaqyramyn. Jinalǵan qarjy qalalyq ákimdiktiń áleýmettik salaǵa jaýapty mamandarymen aqyldasa otyryp kómekke muqtaj azamattarǵa úlestiriledi», - dedi Qairat Quseiinuly.
