Shymkentte avtobýstyń kólikpen soqtyǵysqan jol-kólik oqiǵasyna qatysty tergeý sharalary bastaldy. Bul týraly qalalyq Politsiia departamentinyń baspasóz qyzmeti málim etti, dep habarlaidy QazAqparat.
Politsiianyń derekterinshe, «Toiota Kamri» avtokóliginiń júrgizýshisi men avtobýstyń eki jolaýshysy Shymkent qalasynyń meditsinalyq mekemeleriniń birine jatqyzylǵan.
«Avtobýstyń júrgizýshisi jol júrý erejesin eskermei, baǵdarshamnyń tyiym salynǵan belgisine ótip ketken. Artynsha »Toiota Kamrimen» soqtyǵysyp, aýdarylǵan. Jeńil kóliktiń eki jolaýshysy men avtobýstyń alty jolaýshysyna jáne onyń júrgizýshisine meditsinalyq kómek kórsetildi. Olar úilerine qaitaryldy. Atalǵan jait boiynsha QR QK-niń 345-baby 3-bóligimen sotqa deiingi tergep-tekserý amaldary júrgizilýde. Tiisti saraptamalar taǵaiyndaldy», delingen habarlamada.
Aita keteiik, jol-kólik oqiǵasy búgin tańerteń Nazarbaev dańǵyly men Báiterekov kóshesiniń qiylysynda oryn alǵan edi. Saldarynan avtobýstyń bir jolaýshysy alǵan jaraqatynan oqiǵa ornynda qaza tapty. Ózge jaraqat alǵan júrgizýshiler men jolaýshylarǵa meditsinalyq járdem kórsetilip, aýrýhanaǵa jatqyzyldy.
