Shymkentte ataýly áleýmettik kómek alyp otyrǵan 7 424 otbasy tabysyn jasyrǵandyǵy anyqtalǵan.
Onyń ishinde osy olqylyǵy úshin 2 149 otbasyǵa taǵaiyndalǵan tólem tolyq toqtatyldy. Bul týraly qalalyq jumyspen qamtý jáne áleýmettik qorǵaý basqarmasy jariia etti, dep habarlaidy "Ult aqparat".
Basqarma mamandarynyń málimetinshe, aǵymdaǵy jyldyń 2 qyrkúiegine deiin ataýly áleýmettik kómek alýǵa 66 242 otbasynan ótinish túsken. Onyń ishinde búgingi tańda 53 242-i qaralyp, 45 684 otbasyǵa járdemaqy taǵaiyndalǵan. Búgingi tańda 7548 ótinish (16,5%) keri qaitarylyp, 3 otbasy 828 392 teńgeni óz erkimen biýdjetke tólegen. Al, 268 otbasyǵa habarlandyrýlar taratyldy. 5 275 otbasynyń áleýmettik tólemderine qaita esepteý jumystary júrgizilýde.
Búgingi kúnge 1 252 otbasynyń tólemderi qaita eseptelip taǵaiyndalǵan somasy kemitildi. Sonymen qatar, aýdandarda óńirlik komissiialar qurylyp ataýly áleýmettik kómek alýshylardy úime-úi aralap, tabystaryn qaita qaraý jumystaryn júrgizýde. Qazirgi tańda 3012 otbasynyń tabystary qaita tekserilip, 849-niń áleýmettik kómekke muqtaj emestigi anyqtaldy. Tólemder toqtatylyp, taǵaiyndalǵan soma 223,5 mln teńgege kemidi.
