Foto: Massaget.kz
Shymkentte bala emip jatyp, sútke tunshyǵyp qalǵan. Ana súti balanyń ókpesine ketip, júregi toqtap qalǵan, - dep habarlaidy Massaget.kz.
Oqiǵa Shymkenttegi №2 aýrýhanada bolǵan. Jas ana nárestesin qolyna alyp, jansaqtaý bólmine júgirip kelip, sábiin aman alyp qalýdy ótingen. Dáriger Ashat Jaqybaev asfiksiia saldarynan júrek jumysy toqtap, klinikalyq ólim jaǵdaiyna shaldyqqan sábidi aman alyp qalǵan.
Sábidiń anasynyń aitýynsha, nárestesi emip jatyp, sútke tunshyqqan. Osylaisha, onyń demalysy toqtap, júrek soǵysy nasharlaǵan. Dáriger náresteniń júregine massaj jasap, ókpesin intýbatsiia tútikshesi arqyly jasandy tynys alý aparatyna qosqan. Ol 5-6 minýt ishinde júrek jáne tynys alý músheleriniń jumystaryn qalpyna keltirý arqyly sábige qaita ómir syilaǵan.
Aita keteiik, sábidi aman alyp qalǵan Ashat Qoishybekuly 18 jyldan beri densaýlyq saqtaý salasynda joǵary sanatty anesteziolog-reanimatolog retinde qyzmet etip keledi.
