Shymkent turǵyny memleketke 1 milliard teńge kóleminde zalal keltirgeni úshin sottaldy. Bul týraly QazAqparat QR Qarjylyq monitoring agenttiginiń baspasóz qyzmetine silteme jasap habarlaidy.
Agenttiktiń Shymkent qalasy boiynsha aýmaqtyq departamenti salyq tóleýden jaltarý maqsatynda josyqsyz kásipkerlerge jalǵan shot-faktýralar jazyp bergen azamat A.Mahataevtyń zańsyz áreketiniń jolyn kesti.
Tergeý málimetteri boiynsha, A.Mahataev 2017-2020 jyldar aralyǵynda óziniń týystary men tanystarynyń atyna «Meiir qurylys», «Tynyshtyq 2018», «Elit Kapitel», «MAGMA-2018», «Ashimov i Ko», «A L A T A U K», «S-Industry», «BES QASQA», «JORǴA 2019», «INTERTRANSSERVIS-2020», «Ehcellent», «ÝGAM 2018», «005», «Everest K» JShS14 kásiporyndy tirkegen.
Atalǵan kásiporyndar kontragentterge tólemderdi tóleýden jaltarýǵa járdemdesý úshin jáne kásipkerlik qyzmetti júzege asyrý maqsatynsyz qurylǵan.
Bul firmalardyń keńseleri, qyzmetkerler shtaty, óndiristik-tehnikalyq bazasy jáne qoimalyq úi-jailary bolmaǵan.
Zańsyz áreketterdiń nátijesinde memleketke 1 mlrd. teńgeden astam mólsherde zalal keltirildi.
A.Mahataev 4 jylǵa bas bostandyǵynan jáne 10 jylǵa kásipkerlik qyzmetpen ainalysý quqyǵynan aiyryldy.
Keltirilgen zalal somasy memleket kirisine ainaldyryldy.
