Foto: Otyrar.kz
Ony kósheden ótip bara jatqan adamdar es-tússiz jatqan jerinen tapqan. 16 mamyr kúni túnde 1967 jylǵy azamat aýyr halde aýrýhanaǵa jetkizilgen. Mamandar midyń aýyr jaraqatymen naýqasty jansaqtaý bólimine jatqyzǵanyn aitady. Alaida marqum komada jatqan kúiinde es jimastan, kóz jumdy, dep habarlaidy «Ult aqparat» Shymkent qalasy politsiia departamentiniń baspasóz qyzmetine silteme jasap.
Ázirshe jaǵa ustatar jaitqa qatysty áleýmettik jelide eki nusqadaǵy aqparat tarap jatyr. Birinde bilikti ustazdy mektep oqýshysy uryp óltirgen dese, endi biri marqumdy kólik qaǵyp ketken bolýy múmkin deidi. Al politsiia atalǵan iske qatysty qylmystyq is qozǵalyp, kúdikti anyqtalǵanyn málimdedi. Al ózge aqparat tergeýge bailanysty jariia etilmedi.
"Atalǵan jait boiynsha qylmystyq is qozǵaldy. Kúdikti anyqtaldy. Saraptama taǵaiyndaldy. Bolǵan oqiǵanyń mán-jaiyn anyqtaýǵa baǵyttalǵan tergeý áreketteri júrgizilip jatyr", delingen Shymkent qalasy politsiia departamentiniń baspasóz qyzmetinde.
