Shymkent qalasynda Qylmystyq kodekstiń eki birdei baby boiynsha tergeýge alynǵan kúdikti joǵary qabattan sekirip, politsiia ǵimaratynan qashyp ketkisi kelgen, dep habarlaidy Sputnik.
Resmi málimetke sáikes, buǵan deiin sottyń úkimimen 34 jastaǵy er adamǵa izdeý salynǵan bolatyn. Ol alaiaqtyq pen zorlaý baptary boiynsha aiyptaldy. Kúdikti 19 jeltoqsanda qolǵa tústi. Politseiler ony aýdandyq politsiia bólimine jetkizgen. Al tergeýge alynǵan er adam qashyp ketýge tyrysty.
"Kúdikti jábir kórgen áielmen kezdeskennen keiin jazadan qutylmaitynyn túsindi. Ol baspaldaq dálizine shyqqanda taianyshtan attap, tómen sekirip, qoimanyń tóbesine qulaǵan", - deidi politseiler.
Dárigerler qashqyndy tekserip shyqty. Dene jaraqaty anyqtalǵan joq.
"Ekspress-K" basylymy taratqan málimetke sáikes, tergeýge alynǵan er adam baspaldaq dáliziniń tórtinshi qabatynan sekirgen. Politsiia osy aqparatty rastamasa da, joqqa shyǵarǵan joq.
Ál-Farabi aýdandyq sotynyń úkimimen kúdikti ýaqytsha qamaý izoliatoryna toǵytyldy.
Qylmystyq kodekstiń 190 baby ("Alaiaqtyq") men 120 baby ("Zorlaý") boiynsha tergeý bastaldy. Alaiaqtyq úshin múlki tárkilenip, 1 000 AEK (2 917 000 teńge) deiingi mólsherde aiyppul salý ne sol mólsherde túzeý jumystaryna tartylýy múmkin. 600 saǵatqa deiingi merzimge qoǵamdyq jumystarǵa tartý ne eki jylǵa deiingi merzimge bas bostandyǵyn shekteý ne sol merzimge bas bostandyǵynan aiyrý jazasy da qarastyrylǵan.
Al zorlaý áreketi úshin 5 jyldan 8 jylǵa deiingi merzimge bas bostandyǵynan aiyrý jazasy beriledi.
