Shymkentte koronavirýs juqtyrǵan áiel deni saý sábidi dúniege ákeldi. Qalalyq perzenthananyń bilikti mamandarynan quralǵan top júkti áieldi juqpaly aýrýlar aýrýhanasynyń bazasynda kesir tiligi arqyly bosandyryp alǵan, dep habarlaidy Qalalyq densaýlyq saqtaý basqarmasy.
24 jastaǵy áiel salmaǵy 3500 gram qyz bosanǵan. Anadan balaǵa infektsiia berilmes úshin dárigerler saqtyq sharalaryn kúsheitken.
Bosanǵannan keiin jańa týǵan náresteden barlyq qajetti synama alynyp, COVID-19 testi teris nátije kórsetken. Deni saý sábi birden qalalyq perzenthanadaǵy arnaiy daiyndalǵan jeke palataǵa aýystyrylǵan.
Jańa týǵan sábidi perzenthana qyzmetkerleri táýlik boiy baqylaýǵa alyp, barynsha kútim jasap jatyr.
Al, koranavirýs infektsiiasyna shaldyqqan anasy juqpaly aýrýlar aýrýhanasynda emin jalǵastyrýda.
