Shymkentte qoqys jáshiginen jańa týǵan náresteniń denesi tabyldy, dep habarlaidy "Ult aqparat".
Qalalyq Politsiia departamenti baspasóz qyzmetiniń málimetterine qaraǵanda, 18 qazan kúni politsiiaǵa Rysqulov kóshesi boiynda ornalasqan qoqys jáshikterin tazalaý barysynda jańa týǵan balanyń máiiti tabylǵany týraly habarlama túsken.
Oqiǵa ornyna jetken jedel-tergeý toby «LTD-Turmys» JShS qyzmetkerleri tazalaý jumystaryn júrgizý barysynda qoqys jáshiginiń ishinen jańa týǵan balanyń máiiti bar paketti tapqanyn anyqtady.
Atalǵan fakti boiynsha QR QK-niń 100-babymen (Jańa týǵan balany anasynyń óltirýi) sotqa deiingi tergep-tekserý amaldary bastaldy. Oqiǵa ornynda jedel-tergeý toby jumys isteýde.
«QR QPK-niń 201-babyna sáikes ózge aqparat tergeý qupiiasyn saqtaý jáne ony qamtamasyz etý maqsatynda jariia etýge jatpaidy», - delingen habarlamada.
Áleýmettik jelide sábidiń denesi tabylǵan jerden video da tarady.
Jergilikti turǵyndar sábi anasynyń áreketine qatysty pikir bildirip jatyr. "Kóp adam sábili bola almaidy, al osyndailar balany qoqysqa tastaidy. Ómir – býmerang, eshteńe jazasyz qalmaidy", "adam siiaqty jerlese bolar edi ǵoi, sábi de adam", dep jatyr jeli qoldanýshylary.
