Shymkent qalasy ákiminiń ókimimen Qazaqstan Respýblikasy Prezidenti Ákimshiliginiń kelisimimen qalalyq ishki saiasat jáne din isteri basqarmasyna jańadan basshy taǵaiyndaldy. Bul qyzmetti Janar Bektaeva atqaratyn boldy, dep habarlaidy "Ult aqparat".
Bektaeva Janar Álibekqyzy joǵary bilimdi, Q.A.Iassaýi atyndaǵy ýniversitettiń «Saiasattaný» fakýltetin, Almaty ekonomika jáne statistika akademiiasyn ekonomika mamandyǵy boiynsha bitirgen.
Eńbek jolyn Q.A.Iassaýi atyndaǵy ýniversitettiń «Saiasattaný» kafedrasynyń oqytýshysy bolyp bastaǵan. 2006-2016 jyldar aralyǵynda OQO ishki saiasat departamenti bóliminiń jetekshi mamany, bas mamany, BAQ monitoring jáne aqparattyq saiasat bóliminiń basshysy bolyp istedi, OQO ishki saiasat basqarmasy basshysynyń orynbasary laýazymyn, OQO ákimi apparatynyń jalpy bóliminiń bas inspektory qyzmetin, Túrkistan oblysy Túlkibas aýdany ákiminiń orynbasary bolǵan.
2018 jyldyń jeltoqsan aiynan búgingi kúnge deiin Shymkent qalasy ishki saiasat jáne din isteri basqarmasy basshysynyń orynbasary qyzmetin atqaryp kelgen.
