Foto: videodan alynǵan kadr
Shymkenttegi fermalardyń birinde esek asyrap, soiǵandarǵa aiyppul salyndy. Sharýashylyq iesi tiisti mamandarǵa etti Qytaiǵa satpaq bolǵanyn aitypty. Mamandardyń sózinshe, sharýa qojalyǵy zańdy túrde tirkelmegen, dep habarlaidy «Ult aqparat» otyrar.kz-ke silteme jasap.
13 mamyrda áleýmettik jelide taraǵan videonyń avtory shyn máninde sharýa qojalyǵyndaǵy esekterdiń sany júzden kóp bolǵanyn aitady. Onyń sózinshe, soiylǵan mal sany da tórteý ǵana emes, odan áldeqaida kóp eken. Oǵan videoda kórsetilgen mal siraqtary men shashylǵan ishek-qaryn dálel deidi ol.
Batyr Arystanovqa senbi kúni aýyl turǵyndary aýmaqty sasyq iis jailap, kóshede esekterdiń birden kóbeiip ketkenin aityp shaǵymdanǵan. Aýdan bii oqiǵa ornyna jeksenbi kúni barǵanda ainalaǵa shashyraǵan qan men et artyp jatqan júk kóligin kórgen.
"Esekter kóbeiip ketti, onyń ústine jaman iis bolyp jatyr" dedi turǵyndar. Senbi kúni kesh bolyp ketken soń, jeksenbi men, ádil bilerdiń taǵy bir múshesi, veterinar dárigermen birge bardyq. Bara jatqan jolda baiqadyq, ózimiz 120-130 esek sanap aldyq, qodyǵy bar esekter júr eken. Ar jaǵyna barsaq, fermalary bar eken. Fermalarynyń esigi jabyq, syrtynda bir kólik turǵan. Esiginiń shetinen qarasaq, refrejirator tur", - deidi Turan aýdanynyń bii Batyr Arystanov.
Jinalǵandar birden oqiǵa ornyna aimaqtyq veterinariialyq inspektsiiany shaqyrǵan. Alaida ol kúni eshkim kelmepti.
"Veterinariialyq inspektsiiaǵa habarlastyq, 102 shaqyrdyq. Biraq inspektsiia kelgen joq. "Demalystamyz, qalada emespiz" dedi, áiteýir bir syltaý boldy. Eger sol kezde kelgende dálel bári bar edi. Muzdatqysh ne úshin tur?", - deidi Turan aýdanynyń bii Batyr Arystanov.
Qalalyq veterinariia basqarmasynyń málimetine súiensek, sharýashylyq iesi 12 mamyr kúni qulaǵan tórt esekti soiyp, fermanyń aýlasynda kómgen. Soiylǵan esekterdiń etin satý faktisi tirkelmedi deidi mamandar. Al janýarlardyń iesi olardy Qytaiǵa et eksporttaý maqsatynda baqqanyn aitypty.
"QR Aýyl sharýashylyǵy ministrligi Veterinariialyq baqylaý jáne qadaǵalaý komitetiniń aýmaqtyq inspektsiiasy tarapynan iesine "Veterinariia týraly" QR 25-babynyń saqtalmaýy boiynsha ÁQBtK-niń 406-babyna sáikes ákimshilik jaza qoldanylady. Shymkent politsiia departamentiniń derekterine sáikes, 12.05.2024 jyly sharýa qojalyǵy iesine ÁQBtK-niń 505-babyna sáikes Shymkent qalasynyń aýmaqtaryn abattandyrý qaǵidalaryn buzý boiynsha aiyppul salyndy", - dep málimdedi Shymkent qalalyq aýyl sharýashylyǵy jáne veterinariia basqarmasynyń baspasóz qyzmeti.
Esekterdiń iesine 20 AEK kóleminde aiyppul salynǵan. Turǵyndar janýarlardyń áli de jaiylyp júrgenin, al iisi búkil jaqyn mańdaǵy aýmaqty alyp jatqanyn aityp shaǵymdanyp jatyr. Aita keteiik, mundaǵy jurt fermanyń tolyq jabylyp, jumysyn toqtatýyn talap etip otyr.
