Shymkent qalasy aýmaǵyndaǵy sanitarlyq — epidemiologiialyq jaǵdai áli kúrdelenip tur. Ótken táýlikte 121 adam koronavirýs juqtyrsa, 34 adam infektsiialyq statsionarǵa jatqyzylǵan, dep habarlaidy "Ult aqparat".
Qalalyq ákimdiktiń málimetinshe, indet juqtyrǵandardyń arasynda 81 adamnan aýrý belgileri anyqtalǵan. Sondai-aq, 87 adam úi baqylaýyna alynǵan. Densaýlyq saqtaý basqarmasy shahardyń «qyzyl aimaqta» ekenin jáne Covid-19 juqtyrýshylardyń sany kúnnen kúnge artyp otyrǵanyn aitýda. Sondyqtan mamandar barlyq qala turǵyndarynan sanitarlyq talaptardy qatań saqtai otyryp, barynsha úiden shyqpaýǵa shaqyrady. Infektsiiaǵa qarsy vaktsina alýǵa keńes beredi.
Aita keteiik, sońǵy táýlik ishinde qalada 9462 adam vaktsina alǵan. Birinshi komponentin 9215 adam alsa, 247 adam ekinshi komponentin saldyrǵan. Jalpy egý naýqany bastalǵaly barlyǵy 55 868 adam vaktsinatsiialandy. Onyń ishinde 6742 adam vaktsinanyń eki komponentin alǵan.
