Shymkent qalasy TJD baspasóz qyzmeti
Shymkenttegi fitnes-klýbtardyń birindegi basseinde 4 jasar bala batyp ketti, - dep habarlaidy "Ult aqparat" qalalyq tótenshe jaǵdailar departamentine silteme jasap.
Vedomstvo málimetinshe, qaiǵyly oqiǵa 29 qańtarda Turan aýdanynyń 8 shaǵyn aýdanyndaǵy fitnes-klýbtyń birinde bolǵan.
Sol kúni saǵat 17.25-te Shymkent qalasy TJ departamentine jedel meditsinalyq qyzmetten 2018 jyly týǵan balanyń balalar basseinine batyp ketkeni týraly habarlama kelip túsken.
"Basseinde shomylý kezinde (tereńdigi 1,2 m, eni 5 m) bala eresekterdiń qaraýynsyz qalyp, sýǵa batyp ketkeni anyqtaldy. Qazir oqiǵanyń mán-jaiy anyqtalyp jatyr, sot-meditsinalyq saraptama taǵaiyndalǵan", - delingen óńirlik TJD habarlamasynda.
