Shyǵys Qazaqstan oblysynda maldyń qutyrma aýrýy turaqtandyrylyp, taralý qaýpi joiyldy, dep habarlaidy "Ult aqparat" AShM baspasóz qyzmetine silteme jasap.
Ministrliktiń málimdeýinshe, Shyǵys Qazaqstan oblysyndaǵy Bagration aýyldyq okrýginiń Privolnoe aýylynda sońǵy on kúnde mal ólimi tirkelgen joq.
QR Aýyl sharýashylyǵy ministrligi buqaralyq aqparat quraldarynda 22 jáne 23 shildede ShQO qutyrma aýrýy týraly taraǵan habarlamaǵa túsinikteme berdi.
áPrivolnoe aýylynda 11 bas iri qara mal ólimi tirkelgen. Onyń tórteýinen zerthanalyq nátijeler boiynsha qutyrma aýrýynyń ólimge sebep bolǵandyǵy anyqtaldy. Bir synamadan teris nátije kórsetti. Qalǵan alty jaǵdai boiynsha qazirgi ýaqytta zerthanalyq zertteýler jalǵasýda: liýminestsentti mikroskopiiadan teris nátijeler alyndy, aq tyshqandardyń biosynamasyna baqylaý jalǵasýda (qutyrma aýrýyn zertteý 30 kúnge sozylady)», delingen habarlamada.
Privolnoe aýylyndaǵy barlyq janýarlarǵa, sonyń ishinde iri qara malǵa, jylqy men itterge jedel egý, jeke aýlalarda dezinfektsiialyq emdeý júrgizildi, janýarlardyń óleksesi órteldi.
«Nátijesinde, aimaqta sońǵy 10 kún ishinde aýyrǵan mal ólimi tirkelgen joq. Epizootikalyq jaǵdai veterinarlyq qyzmettiń baqylaýynda.
Aita ketý kerek, qutyrma aýrýynan ólgen mal ielerine keltirilgen zalaldyń shyǵyny óteledi. Ótemaqy alý úshin banktik shottyń nómiri men jeke kýáligin kórsetý qajet. Al, mal iesi ekenin rastaityn jáne onyń ólý sebebin anyqtaityn qujattardy jergilikti veterinariia bóliminiń mamandary beredi», delingen habarlamada.
