QR Aqparat jáne qoǵamdyq damý ministrligi Din isteri komitetiniń tóraǵasy Erjan Núkejanov tanymal tulǵalardyń dini máselelerdi qozǵaýy týraly pikir bildirdi, dep habarlaidy QazAqparat.
«Sońǵy ýaqytta shoý-biznes juldyzdary, qoǵamdyq pikir jetekshileri dini máseleler týraly pikir aita bastady. Áleýmettik jelide úlken aýditoriiasy bar, biraq arnaiy dini bilimi joq adamnyń din taqyrybynda sóileýi, pikir bildirýi qanshalyqty durys?», - degen suraq qoiyldy Ortalyq kommýnikatsiialar qyzmetinde.
«Bul másele óte ózekti, qazir dini bilimi bar adamdar da, joq adamdar da pikir bildirip jatady. Meniń aitarym, din taqyryby – óte kúrdeli, óte názik taqyryp, sondyqtan oǵan daiyndyqpen kelgen durys. Bul salada oi aitý úshin, usynys berý úshin sanaly túrde aqyl-oi jinaqtap kelý kerek jáne sol salanyń mamany bolý kerek. «Shymshyq soisa da, qasapshy soisyn» degen maqal bar. Iaǵni, ár salanyń mamany bolý kerek. Al qandai da bir úrdis úshin nemese óz tanymaldyǵy úshin memlekettikke, birlikke nuqsan keltirýge bolmaidy, bul shatysýǵa alyp keledi. Sol sebepti mamandar jumys isteýi kerek. Árine basqalar da óz pikirin bildirýge erikti, biraq halyqty adastyrmaýy kerek», - dep jaýap berdi Din isteri komitetiniń tóraǵasy.
