Foto: TJM
26 aqpanda túnde Aqmola oblysy Býrabai aýdanyna qarasty Shýchinsk qalasyndaǵy dámhanada jarylys boldy, dep habarlaidy Ult.kz Aqmola oblysy ákimdiginiń baspasóz qyzmetine silteme jasap.
Bes qabatty turǵyn úide ornalasqan dámhanada gaz ben aýa qospasy jarylǵan.
«Aldyn ala málimetterge sáikes, barlyǵy 26 adam zardap shekken. Oqiǵa saldarynan 7 adam qaza tapty: olardyń beseýi oqiǵa ornynda kóz jumsa, taǵy ekeýi 26 aqpanda jansaqtaý bóliminde qaitys boldy. Qaza bolǵandardyń arasynda 16 jastaǵy qyz bar», – delingen resmi habarlamada.
Jarylystyń naqty neden bolǵany anyqtalyp, oqiǵa ornynda oblystyń jedel shtaby jumys istep jatyr. Óńir ákimdigi qaza tapqandardyń otbasylaryna jáne zardap shekkenderge qajetti kómek kórsetiletinin málimdedi.
