Bilim jáne ǵylym birinshi vitse-ministri bolyp Sholpan Karinova taǵaiyndaldy, - dep habarlaidy "Ult aqparat" Primeminister.kz saityna silteme jasap.
"Úkimet qaýlysy boiynsha, Sholpan Tańatqyzy Karinova Qazaqstan Respýblikasy bilim jáne ǵylym birinshi vitse-ministri qyzmetine taǵaiyndaldy", - delingen premer-ministrdiń baspasóz qyzmeti habarlamasynda.
Sholpan Karinova 1972 jyly Aqmola oblysynda dúniege kelgen. Shoqan Ýálihanov atyndaǵy Kókshetaý pedagogikalyq institýtyn, Omby memlekettik pedagogikalyq ýniversitetin bitirgen.
Eńbek jolyn 1994 jyly aýyl mektebinde muǵalim bolyp bastady. 1998-1999 jyldary - orys tili men ádebieti pániniń muǵalimi. 1999-2000 jyldary - orys synyptarynda qazaq tili pániniń muǵalimi.
2000-2002 jyldary - direktordyń oqý-tárbie jumysy jónindegi orynbasary. 2002-2003 jyldary Kókshetaý meditsinalyq kolledjinde oqytýshylyq jáne aýdarma qyzmetimen ainalysqan.
2003-2004 jyldary SQO Taiynsha aýdany Bilim jáne sport bóliminiń ádiskeri; oqý jumysy boiynsha bólimshe basshysynyń mindetin atqarýshy, 2004-2005 jyldary - SQO Taiynsha aýdany №5 orta mektebiniń direktory boldy.
2005-2008 jyldary SQO Taiynsha aýdanynyń Bilim bóliminde basshylyq laýazymdardy atqardy. 2008-2009 jyldary - SQO Taiynsha qalasy ákimi apparatynyń qurylymdyq bólimshesiniń basshysy.
2009-2012 jyldary - SQO Bilim basqarmasy basshysynyń orynbasary, Petropavl qalasy. 2012-2013 jyldary - Petropavl qalasy ákiminiń áleýmettik sala jónindegi orynbasary.
2013-2017 jyldary - SQO Bilim basqarmasy basshysynyń mindetin atqarýshy, basshysy, Petropavl qalasy. 2017-2018 jyldary - QR BǴM Mektepke deiingi jáne orta bilim departamentiniń direktory.
2018-2019 jyldary - Astana qalasyndaǵy "Nazarbaev ziiatkerlik mektepteri" Pedagogikalyq sheberlik ortalyǵy direktorynyń orynbasary.
2019 jylǵy tamyzdan bastap qazirgi ýaqytqa deiin QR BǴM bilim jáne ǵylym vitse-ministri qyzmetin atqarǵan.
