Shyǵys Qazaqstan oblysyndaǵy Ertis ózeninde balyqtyń neden qyrylǵany belgili boldy, dep habarlaidy "Ult aqparat".
Esterińizge sala ketsek, 9 sáýirde Óskemen qalasynda ornalasqan «Samal» saiabaǵyndaǵy Ertis ózeninde balyq qyrylǵandyǵy habarlanǵan.
Osyǵan qatysty «Balyq sharýashylyǵy ǴÓO» JShS-niń Altai filialy, ShQO Tabiǵi resýrstar jáne tabiǵat paidalanýdy retteý basqarmasynyń Orman jáne ańshylyq sharýashylyǵynyń jedel qimyl jasaǵy jáne Zaisan-Ertis oblysaralyq basseindik balyq sharýashylyǵy inspektsiiasynyń qyzmetkerleri sol jerge baryp tekserý júrgizdi. Ózennen 30 keli balyq jinalǵan. Sondai-aq taldaý júrgizý úshin sý men balyqtan synama alyndy.
«Balyq sharýashylyǵy ǴÓO» JShS Altai filialynyń 13 sáýirdegi №01-037/49 hattamasyna sáikes torta, taban, alabuǵa balyqtarynyń qyrylǵandyǵy anyqtaldy. Al balyq ólikteri arasynan móńke tabylmaǵan. Biologiialyq taldaý nátijeleri boiynsha balyqtarda syrtqy jáne ishki zaqymdanýlar bolǵan joq. Ishki organdary patologiialyq ózgerissiz», - delingen ShQO boiynsha Ekologiia departamenti taratqan málimette.
Sondai-aq himiialyq taldaýǵa sáikes, ózende aýyr metaldar kórsetkishiniń asýy anyqtalmaǵan. Qysta gidrologiialyq deńgeige bailanysty (0,4 – 0,6 m) sý qatyp, nátijesinde balyqtar qyryldy. Ihtiologtardyń pikirinshe, bul tabiǵi protsess.
