Shyǵys Qazaqstan oblysynda zańsyz ainalymnan 20-ǵa jýyq qarý tárkilendi, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, tártip saqshylary 5 jeltoqsannan bastap óńir aýmaǵynda «Quqyqtyq tártip» jedel aldyn alý sharasyn ótkizip jatyr. Sonyń barysynda 5 800-den astam ákimshilik quqyq buzýshylyq anyqtaldy.
«Onyń ishinde 860 usaq buzaqylyq, 1 043 qoǵamdyq oryndarda mas kúide júrý faktisi tirkeldi. Politseiler jalǵa beriletin 720 páter men esepte turǵan 4 200-den astam adamdy turǵylyqty jeri boiynsha tekserdi. Esirtki zattaryn saqtaǵan 7 adam ustaldy», - delingen aqparatta.
Budan bólek, zańsyz ainalymnan 19 qarý tárkilendi. Máselen, Ulan aýdanynyń 39 jastaǵy turǵynnyń úiinde jatyn bólmesinen 16 kalibrli tegis uńǵyly myltyq tabylǵan. Atalǵan fakti boiynsha QR ÁQBtK-niń 482-baby 1-bóligine sáikes ákimshilik hattama toltyryldy.
