Shyǵys Qazaqstan oblysy Jarma aýdanynda sibir eligin atqan er adam ustaldy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, Jarma aýdanynda politsiia qyzmetkerleri «Semei ormany» RMM mamandarymen birlesip, Qalbataý aýylynyń mańyndaǵy erekshe qorǵalatyn tabiǵi aýmaqty patrýldeýge shyqqan. Sonyń nátijesinde, sibir eligin zańsyz atqan 53 jastaǵy Shemonaiha aýdanynyń turǵyny ustaldy.
«Jedel-tergeý toby qarda júretin «Ranger» kóligin, 20 kalibrli «Saiga» myltyǵyn, 7, 62 mm kalibrli «BROWNING» myltyǵyn jáne eliktiń etin tárkiledi. Memleketke keltirilgen materialdyq zalal 2 000 000 teńgeden asady», - delingen aqparatta.
Atalǵan fakti boiynsha QR QK-niń 337-baby 4-bóligine sáikes sotqa deiingi tergeý amaldary bastaldy. Kúdikti 3-ten 6 jylǵa deiingi merzimge bas bostandyǵynan aiyrylýy múmkin.
