Foto: Envato Elements
Qazaqstannyń kúshtik qurylymdarynda taǵy bir qaiǵyly oqiǵa oryn aldy. 2005 jyly týǵan qatardaǵy sarbaz 7 qarasha kúni keshki saǵat beste AK-47 qarýynan óz basyna eki ret oq atqan.
Orda.kz habarlaǵandai, 19 jastaǵy sarbaz UQK shekara qyzmetinde (Zaisan bólimshesinde) qyzmet etken. Ol Túrkistan oblysynyń týmasy bolǵan. Oqiǵa ornynan eshqandai qoshtasý haty tabylmaǵan.
QR UQK baspasóz qyzmetiniń málimetinshe, aldyn ala aqparat boiynsha, ólimniń sebebi — sýitsid.
"Politsiia Qylmystyq kodekstiń 105-babynyń 1-bóligi («Ózin-ózi óltirýge jetkizý») boiynsha sotqa deiingi tergeý jumystaryn bastady", - delingen habarlamada.
Bul oqiǵa osyndai birneshe qaiǵyly jaǵdailardyń biri bolyp tabylady (qurylymdar ártúrli bolǵanymen, máni bir). Mysaly, 14 qazanda Qaraǵandy oblysynda áskeri qyzmetshi óz basyna oq atqan bolatyn.
