Shyǵys Qazaqstan oblysynda memleketke 900 mln teńge kóleminde zalal keltirgen qylmystyq top músheleri sottaldy, dep habarlaidy QazAqparat Qarjylyq monitoring agenttiginiń baspasóz qyzmetine silteme jasap.
Agenttik 2020 jyldyń basynan bastap «Stop-obnal» jedel-aldyn alý sharasy aiasynda jalǵan shot-faktýra jazyp berý jáne qarajatty kriminaldyq qolma-qol aqshaǵa ainaldyrý boiynsha qyzmet kórsetetin 105 áleýetti topty anyqtady.
Búgingi tańda top múshelerine qatysty 490 sotqa deiingi tergep-tekserý isi bastaldy, onyń ishinde 28 is uiymdasqan qylmystyq top qurý deregi boiynsha qozǵaldy.
«Agenttiktiń Shyǵys Qazaqstan oblysy boiynsha aýmaqtyq departamenti Ia.Moskvina, K.Daiyrbaev jáne F.Romanovtar uiymdastyrǵan qylmystyq toptyń jolyn kesti. Olar jalǵan firmalardyń atynan mámileniń jalpy somasynyń 2-den 6%-na deiingi mólsherde syiaqy alý úshin jalǵan býhgalterlik qujat jazyp berýmen ainalysqan. Memleketke keltirilgen materialdyq zalaldyń jalpy somasy 900 mln teńgeden asady», delingen habarlamada.
Vedomstvonyń málimdeýinshe, qylmystyq top músheleri 5 jylǵa bas bostandyǵynan aiyryldy.
