ShQO-da kópbalaly otbasylardy qoldaý boiynsha atqarylatyn jumystyń mehanizmi ázirlendi.
Kópbalaly otbasynan shyqqan balalar tegin mektep formasyn, jazǵy lagerge joldama, mektepke deiingi, tehnikalyq jáne kásiptik bilim alady.
Búgin ShQO ákiminiń orynbasary Ásem Núsipovanyń tóraǵalyǵymen, kámeletke tolmaǵandardyń isteri jáne olardyń quqyqtaryn qorǵaý jónindegi oblystyq komissiianyń otyrysynda, kópbalaly jáne az qamtylǵan otbasylardy qoldaý jónindegi sharalar týraly baiandaldy. Kezdesý oblystyń barlyq aýdandary men qalalary úshin selektorlyq rejimde ótti.
Jańa oqý jylynda, jalpy bilim berý qorynyń qarajaty esebinen bilim ordalary mektep formasyn satyp alady. Osylaisha, kópbalaly jáne az qamtylǵan otbasylardan shyqqan 33 582 oqýshyǵa tegin mektep formasy beriledi. Osy maqsatta oblystyq biýdjetten qosymsha 500 mln. teńge bólinetin bolady.
Sonymen qatar, ata-analardyń ótinishterin eskere otyryp, jergilikti biýdjet qarjylandyratyn mektep formasynyń úlgisi tańdaldy. Bul kúndelikti, qysqy jáne sporttyq forma, kúrteler men aiaq kiim. Atalǵan otbasylardyń ár balasyna ata-anasynyń tańdaýymen tek bir ǵana kiim beriledi.
Bilim alýda erekshe qajettilikteri bar jáne kópbalaly otbasynan shyqqan balalarǵa mektepke deiingi mekemeler tegin. Buǵan deiin jergilikti biýdjet balabaqshadaǵy bilim berý qyzmetin ǵana qarjylandyryp otyrǵan. Al endi búldirshinder tegin tamaqtanatyn bolady. Osy maqsatta qosymsha 266,4 mln. teńge bólinedi. Kópbalaly otbasylardan shyqqyn stýdentter kolledjderde tegin bilim alady.
Bilim basqarmasy kópbalaly otbasynan, az qamtylǵan, jetim jáne ata –anasynyń qamqorlyǵynsyz qalǵan 9-11 synyp oqýshylarynyń sanyn anyqtady. Olar eńbek naryǵynda suranysqa mamandyqtar boiynsha TjKB júiesinde tegin oqytylady.
- 2019-2020 oqý jylyna stýdentterdi qabyldaýǵa 7 930 oryn beriledi. Ol úshin 5,4 mlrd. teńge jumsalady. Sondai-aq, aýdandardaǵy oqýshylarǵa kásiptik baǵdarlaý jumysyn júrgizip, qajetti mamandyqty tańdaýǵa múmkindik berý kerek, - deidi oblys ákiminiń orynbasary Asem Núsipova.
Sonymen qatar, jinalysta jaqynda ótetin máslihattyń kezekti sessiiasynda kópbalaly otbasylarǵa qoldaý kórsetý sharalarymen qosa, kolledjderdi jabdyqtaýǵa bailanysty úsh jyldyq baǵdarlama da qoldaý tabady. Bul úshin 7 mlrd. teńge bólý josparlanyp otyr.
Oblystaǵy kópbalaly jáne az qamtylǵan otbasylardan shyqqan oqýshylar jazǵy demalysqa barady. 2018-2019 oqý jylyndaǵy 1-10 synyp oqýshylarynyń sany 176 244 adamdy quraidy. Biyl oblysta 990 saýyqtyrý lageri jumys isteitin bolady.
-Biyl qalalar men aýdandardyń biýdjetterinen 280 151 myń teńge qarajat bólindi, bul ótken jylmen salystyrǵanda 20 paiyzǵa artyq. Atalǵan otbasylar men múmkindigi shekteýli balalar jazǵy demalyspen mindetti túrde qamtylady, - dedi oblystyq bilim basqarmasynyń basshysy Sairangúl Jumadilova.
