Shyǵys Qazaqstan oblysy Altai aýdanynda qasqyr jer úige kirip ketip adamdy tistep aldy.
Oqiǵa 28 sáýir kúni Bykovo aýylynda bolǵan. Qasqyr esigi ashyq turǵan jer úige kirip ketken.
«Úi iesi qasqyrdy qýyp jibermek boldy. Alaida jyrtqysh ań qarsy shapty. Aýlada jumys istep júrgen basqa adam men eki itti tistep aldy da qashyp ketti. Keiin aýyl turǵyndary óz betterimen jinalyp, sol qasqyrdyń izine túsip, kózin joidy», - dep habarlady aýdan ákimdiginen.
Qasqyr jalǵyz júrmegen degen qaýip boldy. Soǵan orai aýyldaǵy mektep oqýshylary 29 sáýirde qashyqtan oqyǵan.
«Oqiǵa ornyna jergilikti atqarýshy organdar, veterinariia jáne sanitarlyq-epidemiologiialyq qyzmet mamandary shuǵyl kelip jetti. Turǵyndar arasynda aýyr jaraqat alǵandar, shyǵynǵa batqandar joq. Qasqyr tistegen adamnan jáne qasqyrdyń ózinen synama alynyp, saraptamaǵa jiberildi. Qazirgi ýaqytta jaǵdai turaqty, oqýshylar búgin mektepke baryp bilim alýda», - delingen aqparatta.
