Shyǵys Qazaqstan oblysynda eki ai buryn joǵalyp ketken er adam tabyldy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, iz-túzsiz joǵalyp ketken 45 jastaǵy azamat Jarma aýdanynan tabyldy.
«Qazir respýblika boiynsha keń aýqymdy «Ýchaske» jedel aldyn alý sharasy júrgizilýde. Shara barysynda politsiia qyzmetkerleri sharýa qojalyqtarynyń birin tekserý kezinde 2 ai boiy izdeýde bolǵan er adamdy tapty», - dep habarlady vedomstvo ókilderi.
Anyqtalǵandai, telefonyn joǵaltyp alǵan ol ózin týǵan-týystarynyń izdestirip jatqandyǵyn da bilmegen. Qazirgi ýaqytta er adam týystarynyń úiine jetkizildi.
