Shyǵys Qazaqstan oblysynyń Glýbokoe aýdanyndaǵy Beloýsov ken baiytý fabrikasy jumysyn toqtatady. Bul taýarly "Ult aqparat" KAZ Minerals tobyna silteme jasap habarlaidy.
«KAZ Minerals toby 21 qarashadan bastap «Shyǵystústimet» JShS-ne qarasty Beloýsov ken baiytý fabrikasynyń jumysy toqtaityny týraly habarlaidy. Biznes-protsesterdi ońtailandyrý, shyǵyndardy azaitý jáne resýrstardy únemdeý maqsatynda fabrikanyń jumysyn toqtatyp, kásiporyndy konservatsiialaý týraly sheshim qabyldandy. Atalmysh fabrikada óńdelgen Ertis shahtasynyń keni budan bylai Nikolaev ken baiytý fabrikasyna jóneltiletin bolady. 2016 jyly Nikolaev fabrikasynda aýqymdy modernizatsiia júrgizildi jáne kásiporynnyń qýaty qosymsha shikizat kólemin óńdeýge múmkindik beredi», - deidi kásiporynnyń korporativtik bailanys jónindegi departamentiniń óńirlik menedjeri Ermek Dúzkenev.
Onyń aitýynsha, Beloýsovkadaǵy óndiristiń jabylýy «Shyǵystústimet» JShS-niń óndiristik kórsetkishterine áser etpeidi.
Beloýsovka ken baiyytý fabrikasynda 246 adam jumys isteidi. Konservatsiialaý jumystary kezeńinde kásiporynda 26 adam jumys isteitin bolady.
«Eńbek sharttaryn buzý kezinde zańnamanyń barlyq normalary saqtalyp, ujymnyń múddeleri barynsha eskeriletin bolady. Kompaniianyń basqa kásiporyndarynda bos oryndar bolǵan jaǵdaida jumystan bosatylatyn qyzmetkerlerge olardyń biliktilik deńgeii men jumys tájiribesine sáikes keletin jumys oryndary usynylady», - deidi kompaniia ókili.
Beloýsovka ken baiytý fabrikasy Shyǵys Qazaqstandaǵy tarihy bai óndiris oshaqtarynyń biri sanalady. 1945 jyly iske qosylǵan kásiporyn Ertis shahtasynyń kenin óńdep keldi.
2019 jyldyń alty aiynda munda 276 myń tonna ken óńdelip, 3,1 myń tonna kontsentratty mys, 6 myń tonna kotsentratty myrysh óndirildi. Fabrika óziniń rekordtyq kórsetkishine 1975 jyly qol jetkizip, 807,7 myń tonna ken óńdegen bolatyn.
«Beloýsov ken baiytý fabrikasy - bizdiń baiyrǵy kásiporyndarymyzdyń biri. Ótken ǵasyrdyń 40-jyldarynan bastap jumys istep keledi. Shikizat bazasynyń birtindep azaiýyna jáne «Shyǵystústimettiń» baiytý qýattaryn tolyq júkteý qajettiligine bailanysty biz Beloýsov fabrikasynyń jumysyn toqtatýǵa jáne Ertis shahtasynyń kenin Nikolaev farikasyna jóneltýge májbúrmiz», - deidi «Shyǵystústimet» JShS-niń basqarma tóraǵasy Ilsýr Dáýitov.
