Shyǵys Qazaqstan oblysynda avtobýs qaǵyp ketken kámeletke tolmaǵan qyz kóz jumdy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, jol-kólik oqiǵasy 2 qarasha kúni keshki ýaqytta Altai qalasynda bolǵan.
Gorkii men Bocharnikov kósheleriniń qiylysynda kele jatqan «PAZ» markaly avtobýs júrgizýshisi rettelmegen jaiaý júrginshiler jolaǵynda 14 jastaǵy qyzdy qaǵyp ketti. Jetkinshek alǵan jaraqattarynan sol jerde til tartpai ketken.
«Qazirgi ýaqytta atalǵan fakti boiynsha QR Qylmystyq Kodeksiniń 345-baby 3-bóligine (Kólik basqaratyn adamdardyń jol júrisi nemese kólik quraldaryn paidalaný qaǵidalaryn buzýy saldarynan abaisyzda adam ólimine ákep soǵýy) sáikes sotqa deiingi tergeý amaldary bastaldy. Tiisti sot-meditsinalyq saraptamalar taǵaiyndalǵan. Avtobýs júrgizýshisi ýaqytsha ustaý izoliatorynda qamaýda otyr», - dep habarlady vedomstvo ókilderi.
